أمك كَبرت ويا الزمان...
خد سنين العمر منها.
الحياه داين تدان ...
قوم يا ولدي ورد دينها.
شعرها شاب عليك ...
والوجه منها جعد.
ليها مليون دين عليك...
وانت راس مالها وأملها.
اللي عاشت بس ليك...
وانت اللي قاطف عسلها.
اللي غزلت لك سنينها...
واللي وهبتلك عنيها.
هيه محتاجه النهارده...
للي هيطبطب عليها.
شيلها في نن عينك...
اوعي يوم تكسر خاطرها.
قبل بنتك قبل إبنك...
قبل نفسك تفتكرها.
قبل ما تستر مراتك...
ولا تحضن ف الولاد
أستر أمك في حياتك...
يسترك رب العباد في داره.
هيه ملهاش حد غيرك...
والسنين شاخت و مُره.
لو تعيش تسقيها خيرك...
خيرها عليك قدك ألف مره.
كون دواها وكون طبيبها...
وكون حبيبها اللي صاينها.
إوعى يابني في يوم تسيبها..
ولا تغفل ثانيه بس عنها.
عيش لها خدام ب دمك..
لحد ما تقابل رب كريم.
ما انت عـارف بـر أمك...
ٱخرته الجنه و نعيمها.
ليست هناك تعليقات:
إرسال تعليق